“Küçədən Keçən Adam haqda yazılar” (2017, Alatoran yayınları) kitabında Nərmin Kamalın 2017-ci ilədək yazdığı publisistik yazılardan 70-ə yaxın esse seçilərək toplanıb.

“Aç, mənəm” (2010, Qanun nəşriyyatı) romanı Nəsimi Milli Ədəbiyyat mükafatı və Azadlıq Radiosunun Oxu Zalı portalının “Gənc romançı” mükafatına layiq görülüb.

Kitabda (2008, Qanun nəşriyyatı) Azərbaycan dilində Postmodern fəlsəfəyə və U.Eco yaradıcılığına ilk dəfə informativ-analitik baxış həyata keçirilib. Fəlsəfə və filologiya üzrə yazılan müxtəlif elmi işlərdə, dissertasiyalarda bu kitaba dəfələrlə istinadlar olub. Müəllifin adı qəsdən göstərilmir, kitab danışmağa buradan başlayır, zira, postmodern fəlsəfəyə görə müəllif ölüb. Oxucuların marağını nəzərə alaraq, 2012-ci ildə nəşriyyat tərəfindən təkrar nəşr edilib.

“Yaquar yerişli zaman” (2003, Adiloğlu nəşriyyatı). Kitabda Nərmin Kamalın 2000-ci illərin əvvəlində yazdığı modernist şeirlər var.